”Zamonaviy ayol-yangi imkoniyatlar sari” mavzusida davra suhbati tashkil etildi.

---

Joriy yilning 11-mart kuni Paxtakor tumani axborot-kutubxona markazida "Ayollarni e'zozlash" oyligi doirasida "Ayol baxtli bo'lsa, jamiyat baxtlidir" shiori ostida ”Zamonaviy ayol-yangi imkoniyatlar sari” mavzusida davra suhbati tashkil etildi. Davra suhbatining  asosiy maqsadi xotin-qizlarning jamiyatdagi o‘rni va faolligini oshirish, ularni ta’lim olishga, kasb-hunar egallashga hamda yangi imkoniyatlardan samarali foydalanishga undashdan iborat bo‘ldi. Davra suhbati davomida kutubxona mutaxassisi zamonaviy ayolning jamiyat taraqqiyotidagi o‘rni, uning bilimli va faol bo‘lishi bugungi kun talabi ekanini ta’kidladi. Shuningdek, kutubxonada mavjud adabiyotlar, ayollar huquqlari, ta’lim, tadbirkorlik va shaxsiy rivojlanishga oid kitoblar haqida ham ma’lumot berildi.Ishtirokchilar o‘z fikr-mulohazalarini bildirib, zamonaviy ayolning hayotdagi maqsadlari, intilishlari va imkoniyatlari haqida suhbatlashdilar.  Davra suhbatida 28 nafar ishtirokchi ishtirok etdi.