"Yagona Vatan,yagona xalq bo'lib,yangi hayot va kelajak yaratamiz" shiori ostida ma'naviy- ma'rifiy tadbir tashkil etildi.

---

Joriy yilning 2-sentabr kuni Paxtakor tumani axborot-kutubxona markazida “Kitobxonlar klubi” a’zolari ishtirokida Mustaqilligimizning 35 yilligi munosabati bilan "Yagona Vatan,yagona xalq bo'lib,yangi hayot va kelajak yaratamiz" shiori ostida ma'naviy- ma'rifiy tadbir tashkil etildi.Tadbir o‘quvchilarida milliy g‘urur,vatanparvarlik tuyg‘ularini shakllantirish, shuningdek,ularning kitobga bo‘lgan qiziqishini va mutolaa madaniyatini oshirish maqsadida tashkil qilindi.Kutubxona mutaxassisi o‘quvchilarga mustaqilligimizning 35 yillik tarixi, Vatanimiz erishgan yutuqlar hamda davlat ramzlarining ahamiyati haqida sodda va tushunarli tilda so‘zlab berdi.Tadbir yakunida o‘quvchilarining yosh xususiyatlariga mos keladigan eng sara va yangi adabiyotlar targ‘iboti o‘tkazildi. O‘quvchilarga ushbu kitoblarni kutubxonadan olib o‘qish tartibi va kitob bilan muomala qilish qoidalari eslatib o‘tildi. Tadbirda kitoblar ko’rgazmasi tashkil qilindi.Tadbirda 16 nafar ishtirokchi ishtirok etdi.