"O'zbek tili barchamizni birlashtiradi" deb nomlangan ma'naviy va musiqiy tadbir tashkil etildi.

---

📚 21-oktabr — O‘zbek tiliga davlat tili maqomi berilganining 37 yilligi munosabati bilan Paxtakor tuman hokimligi, Paxtakor tumani axborot-kutubxona markazi, Respublika ma'naviyat va ma'rifat markazi tuman bo'linmasi vakillari, taʼlim va madaniyat sohasi xodimlari, nuroniylar hamda faol yoshlar hamkorligida "O'zbek tili barchamizni birlashtiradi" deb nomlangan ma'naviy va musiqiy tadbir tashkil etildi. 🎤 Tadbir davomida iste’dodli yoshlar, san’atkorlar va ijodkorlar tomonidan ijro etilgan kuy-qo‘shiqlar, she’rlar hamda badiiy chiqishlar ishtirokchilarga ko‘tarinki kayfiyat ulashdi. Ijodiy chiqishlarda ona tilimizning jozibasi, boyligi va milliy qadriyatlarimizni ifodalashdagi beqiyos o‘rni tarannum etildi. 📖 Tadbirda ona tili — milliy o‘zligimiz, tarixiy xotiramiz, ma’naviyatimiz va g‘ururimiz timsoli ekani alohida ta’kidlandi. Tadbirda 150 nafar ishtirokchi ishtirok etdi.