"Kutubxona — ma'rifat maskani" mavzusida davra suhbati tashkil qilindi.

---

Joriy yilning 6- avgust kuni Paxtakor tuman axborot-kutubxona markazi va Abduraxmon akademiyasi o’quv markazi hamkorligida "Kutubxona — ma'rifat maskani" mavzusida davra suhbati tashkil qilindi. Davra suhbatining asosiy maqsadi kitobxonlik madaniyatini yuksaltirish,yoshlar o'rtasida mutolaa qilishga bo'lgan qiziqishni oshirish hamda kutubxonaning ilm-ma'rifat maskani sifatidagi o'rni va ahamiyatini keng targ'ib etishdan iborat bo'ldi.Davra suhbatida ishtirokchilarga kitob mutolaasining shaxs kamoloti, tafakkur va dunyoqarashni rivojlantirishdagi o'rni haqida fikrlar bildirildi. Shuningdek, kutubxonada yaratilgan sharoitlar, mavjud adabiyotlar fondi hamda kitobxonlarga ko'rsatilayotgan xizmatlar haqida ma'lumot berildi. Suhbat davomida kitobxonlikni rivojlantirish, bo'sh vaqtni mazmunli tashkil etish va muntazam mutolaaning inson hayotidagi ahamiyati yuzasidan fikr almashildi.