"Kitob va kitobxonlik-inson ma’naviyat ko’zgusi" mavzusida ijodiy uchrashuv tashkil etildi.

---

Joriy yilning 30- iyul kuni Paxtakor tuman axborot-kutubxona markazida O'zbekiston yozuvchilar uyushmasi Jizzax viloyat bo`limi bosh mutaxassisi shoira Nafisa Qo'ylonova Saydazimovna bilan "Kitob va kitobxonlik-inson ma’naviyat ko’zgusi" mavzusida ijodiy uchrashuv tashkil etildi. Uchrashuvda shoira o‘zining ijod yo‘li, she’riyatga kirib kelishi, yaratgan asarlari va kelgusidagi ijodiy rejalari haqida so‘zlab berdi. Shuningdek, yoshlarni kitob mutolaasiga qiziqtirish, ona tilimiz va milliy qadriyatlarimizni ulug‘lashda badiiy adabiyotning o‘rni haqida fikr-mulohazalarini bildirdi. Uchrashuv davomida shoira qalamiga mansub she’rlar o‘qildi, ishtirokchilar tomonidan berilgan savollarga samimiy javoblar berildi. Yosh kitobxonlar o‘z ijod namunalarini ham taqdim etib, ustoz shoira tomonidan kerakli tavsiya va maslahatlar oldilar. Uchrashuvda 15 nafar ishtirokchi ishtirok etdi.