”Kitob bu qalblarni yoritgan chiroq” mavzusida davra suhbat tashkil qilindi.

---

Joriy yilning 17-aprel kuni Paxtakor tuman axborot-kutubxona markazi va MMTB hamkorligida VI Respublika Kitobxonlik haftaligi doirasida ”Kitob bu qalblarni yoritgan chiroq” mavzusida davra suhbat tashkil qilindi. Davra suhbati maqsadi o‘quvchilarda kitobga bo‘lgan qiziqishni oshirish, kutubxonadan foydalanish madaniyatini shakllantirish hamda ularni mutolaaga jalb etishdan iborat bo‘ldi.Davra suhbati davomida o‘quvchilar kutubxonadagi bolalar adabiyotlari bilan tanishtirildi. Har bir o‘quvchi o‘zi o‘qigan kitobi haqida qisqacha fikr bildirib, sevimli qahramonlari haqida so‘zlab berdi. Kutubxonachi o‘quvchilarga kitoblarni to‘g‘ri saqlash, ulardan ehtiyotkorlik bilan foydalanish qoidalarini ham tushuntirdi. Davra suhbati so’ngida o’quvchilar tomonidan tayyorlab kelingan kitob haqidagi she’rlar o’qib berildi. Davra suhbatida kitoblar ko’rgazmasi tashkil qilindi. Davra suhbatida 18 nafar ishtirokchi ishtirok etdi.