“Abdulla Oripov ijodi-bilimlar bahsi" mavzusida zakovat intellektual o‘yini tashkil etildi.

---

Joriy yilning 16-mart kuni Paxtakor tuman axborot-kutubxona markazi va MMTB tasarrufidagi maktablar hamkorligida buyuk o‘zbek shoiri,O‘zbekiston Qahramoni Abdulla Oripov tavalludining 85 yilligiga bag‘ishlab “Abdulla Oripov ijodi-bilimlar bahsi" mavzusida zakovat intellektual o‘yini tashkil etildi. Zakovatning  asosiy maqsadi yoshlar o‘rtasida shoirning boy ijodiy merosini targ‘ib qilish, ularning bilim va tafakkurini rivojlantirish hamda kitobxonlik madaniyatini oshirishdan iborat bo‘ldi. Zakovatda 6 ta jamoa ishtirok etib, ular shoirning hayoti va ijodi, she’rlari hamda adabiy faoliyati bilan bog‘liq savollarga javob berish orqali o‘z bilimlarini sinab ko‘rdilar.Intellektual o‘yin 2 turda tashkil etildi. Ishtirokchilar shoirning mashhur she’rlari, tarjimalari va adabiyotdagi o‘rni haqida o‘z bilimlarini namoyish etdilar.Zakovat yakunida "Taraqqiyot" jamoasi g‘olib deb topildi. Zakovatda Abdulla Oripov kitoblari ko'rgazmasi tashkil etildi. Zakovatda 28 nafar ishtirokchi ishtirok etdi.